2021 жылдың 14-маусымында алтын ұямыз Сәкен Сейфуллиндей Алаш ардақтысының есімімен  қайта аталғаннан кейінгі алғашқы түлектерін жаңа өмір баспалдағына шығарып салды. Бұл күн әрбір жас түлектердің жүрек түкпірінде мәңгі сақталып қалатын мектеп өміріндегі соңғы салтанаты болатын. Ұстаздар мен ата-аналар алабұртқан сезімге, алып-ұшқан арман, толқыныс, қимастық, қуаныш сәттерге куә болды. 56 арман, 56 үміт пен 56 ел ертеңіне қызмет ететін күш пен қуатты шығарып салды. Өмір кемесінде ақ желкендері ешқашан құламасын, қанаттары талмасын деп тілек тілей, қимай қоштасты.  ҚР Тәуелсіздігінің 30 жылдығының егемен, өр, бақытты жастары гимназиямыздың абыройын асқақататып, еліміздің өркендеуіне үлес қосатынына сенімдіміз.