Талантты оқушыларымызға

«Қасым оқулары-2021» байқауының

грамоталары  табыс етілді

Сүйінші хабармен бөлісуді жөн көрдік,достарымыз!

Қазақтың елі мен жерін, Сарыарқа самал жайлауын, Ертістей сырнайлы өзенін, оралып келуге жазылған Оралы мен Жайығын, рухани биіктік пен мәңгі ақкөңіл дариялар анасы – ақбас Алатауын қимас көңіл, сарқылмас сағынышпен жырлаған Қасым Аманжоловтың шығармашылығына арналған «Жасын ғұмыр-Қасым ғұмыр» Y қалалық Қасым оқуларының грамоталары бүгін гимназияның аса талантты оқушылары  Нүржан Мухамед пен Рахимова Камилаға табыс етілді.

Мухамед «Жыры қалды жүректе жарқылдаған.Үні қалды құлақта саңқылдаған...» бағыты бойынша Қасым өлендеріне шығарылған әнді тамылжыта орындап, көрерменннің жүрегіне жол тауып, қазылар алқасының марапатына ие болса, Рахимова Камила«...Өзге мес,өзім айтам өз жайымда...»бағытында   50-ге жуық Қасым өлендерін жатқа айтып, көрермендерді таң қалдырды.

Оқушыларды жетістікке жетелеп, жүректеріне  жол таба білген  вокал жетекшісі Б.Е.Тыхметов пен  қазақ тілі мен әдебиеті пәнінің мұғалімі Б.К.Тусенованы құттықтай отырып, жетістіктер қоржыны тола берсін демекпіз!