05.03.2021ж. "С.Сейфуллин атындағы гимназиясы" КММ қабырғасында Ұлт-азаттық Алаш қозғалысының көсемі, Алаш Орда үкіметінің төрағасы, көрнекті мемлекет және қоғам қайраткері, энциклопедист-ғалым Әлихан Нұрмұхамедұлы Бөкейханның туғанына 155 жыл толуына орай 11-сыныптарға өнеге сағаты өткізілді. Өнелі дәріс Тәуелсіздігіміздің 30 жылдығы аясында және ұлы тұлғаның бүгінгі туған күніне орайластырылып ұйымдастырылды.  Дәрісті жүргізген белгілі тарихшы, археолог Т.Т.Аршабеков өз сөзінде Әлихан Бөкейхан ғылымның әр түрлі саласына терең бойлаған саңлақ саясаткер екенін атап өтті. Сондай-ақ, қазақтың ой өрісін кеңейтіп, руханиятымызды дамытуға зор үлесін қосып, ұлттық интелегенцияның жаңа буынын қалыптастыруға ұйытқы болғанын тілге тиек етті. Осындай мағыналы, өнегелі іс-шарадан жас ұрпақ бойына рух жинап, таным көкжиектерін кеңейтіп қайтты деген ойдамыз.