"Өнегелі өмір" жобасы аясында тарихшы, "ҚР Білім беру ісінің үздік қызметкері" төсбелгісінің иегері, Облыстық "Орталық Қазақстан" газетінің қызметкері, "Тәуелсіздік тамыры", "Қыран қазақ" және көптеген ғылыми танымдық мақалалардың авторы Ерғазы Қадашұлымен "С.Сейфуллин атындағы гимназиясы" КММ-нің тарих пәні мұғалімі Утжанов Досжан Нұржанұлы арасында "Өткеннің өнегесі - бүгіннің баға жетпес байлығы" тақырыбында сүбелі сұхбат өтті. Сұхбат барысында гимназия ұжымы мен оқушылары белсене қатысып, өз көкейлерінде жүрген сауалдарын қойып, толыққанды жауап алды. Қазіргі ең өзекті мәселелердің бірі кәсіби бағдар, яғни мамандық таңдау мәселесі бойынша құнды кеңестер алды. Сонымен қатар басты қонағымыз өзінің өмірлік тәжірибесімен бөлісіп, өмір жолындағы ғибратты, мазмұнды әңгімелерін айтып отырды. Гимназия директоры Сейтимбетова Қолаңшаш Төлековна қадірлі қонағымыз Ерғазы Қадашұлына риясыз алғысын білдіріп, сұхбатты қорытындылады. Гимназиямызда ұйымдастырылып жатқан өзге де мазмұнды, сырлы сұхбаттар өз жалғасын табары сөзсіз.