Жеке тұлғаның жан-жақты дамуында және оқушылардың өзін-өзі анықтауында, сонымен қатар тұлғаның қалыптасуында мүмкін болатын тәртіп бұзушылықтың алдын алу мақсатында гимназияда «Құқықбұзушылық түрлері. Қылмыстық жауапкершілік» тақырыбында 8, 10 сынып оқушыларының қамтылуымен мектептің қауіпсіздік командасының кезекті отырысы ұйымдастырылды. Мектептің қауіпсіздік команда мүшелері жасөспірімдерге құқықбұзушылықтан аулақ болу, бос уақытты дұрыс ұйымдастыру,  сабақты себепсіз босатпау, тұлғаның әлеуметтенуін дамыту, құқықбұзушылықтың салдары, буллинг, кибербуллинг, ғаламтордан келетін қауіп, сақтық шараларын ұстану,  зиянды әдеттерден аулақ болуға бағытталған жан жақты ақпараттарға тоқталды.