Қарағанды қаласы Қазыбек би ауданындағы №92 гимназияның бастауыш сыныптарында қарашаның 28 – жұлдызында 1 желтоқсан Президентті рәсімдеу күніне арналған тәрбие сағаттары өткізілді.

1 «А» сыныбының жетекшісі Акмагамбетова Акшегуль Мажитовна «Нұрлы жол, нұрлы заман бағыты» атты тәрбие сағатында оқушылардың өзіндік іс – әрекеті, ойлауы арқылы тақырып мазмұнын ашты. Қазақ халқының тұңғыш президенті Нұрсұлтан Әбішұлы Назарбаевтың өмір жолы,  туып – өскен, білім алған, қызмет еткен жерлері туралы қысқаша мағлұмат беріп, Отанын, халқын сүюге, патриоттық сезімге  тәрбиелеу мақсаты алға қойылған тәрбие сағатында оқушылар өздерінің білетін тақпақ, өлеңдерін айтып, сұрақтарға жауап берді. Мұғалім оқушылардың сөйлей тілдерін қалыптастыруды да сырт қалдырған жоқ. Тартымды да, мазмұнды өтке сынып сағатынан 1 – сынып оқушылары бір саты есейіп, қанаттанып қайтқан секілді. Сабақ ақпараттық технологияны қолдана отырып, интерактивті тақтада өткізілді.