Дарынды оқушымыз  Елбасы медалінің иегері

Тұңғыш Елбасымыз Н.Ә.Назарбаевтың бастамасымен құрылған “Елбасы Медалі” жобасы -ойы озық, іргесі берік, білім нәрімен сусындаған, бәсекеге қабілетті,  тас шайнап құм түкіретін, тепсе темір үзетін,  елдің барлық өңіріндегі өз білімі мен дарынына сенетін  жастардың басын қосып, білім мен шығармашылық бәсекесі қайнаған  атына заты сай жаңа жоба.

Осы жоба арқылы Қазақстанымыздың жас, өскелең ұрпақтары өзін-өзі бірнеше бағытта дамыта алады. Соның ішінде оқушыларымыз кітап оқып, спортпен айналысып, өз таланттары мен дағдыларын дамытып, ұлттық мұралармен танысып, еріктілік ісімен айналысады. “Болашақ-жастардың қолында”,-деп Н.Ә.Назарбаев  айтып өткендей “Елбасы Медалі” жобасы- саналы жастарымызды қолдауға бағытталған және де жастарымызға берілген үлкен мүмкіндік.Бұл жобада әрбір қатысушы бәсекеге қабілетті болып, өз мақсаттарына жүйелі түрде қадам жасайтыны сөзсіз. Бұл сөздерімізге гимназияның 10-сынып оқушысы Саятқызы Диананың қола медаліне қол жеткізгені дәлел.

Гимназия мақтанышы, «Жыл оқушысы-2018» қалалық сайсының Бас жүлде иегері Елбасы мелаліне қол жеткізу үшін жобаның бірнеше кезеңінен өтіп, баршамызды қуантты,дарындылығының бір қырын айқындай білді.

Біз сені мақтан тұтамыз,Диана! Өрлей бер,талма!