Қазақстан Республикасының Тәуелсіздік мерекесі қарсаңында Елбасы Н.Назарбаевтың «Болашаққа бағдар: Рухани жаңғыру» бағдарламасын жүзеге асыру аясында Қарағанды қаласының «№ 92 гимназия» коммуналдық мемлекеттік мекемесінде Сәкен Сейфуллин атындағы «АЛАШ АРДАҚТЫСЫ» музей – залының ашылу салтанаты өтті.
Музей-залдың ашылу мақсаты: С.Сейфуллинның өмір жолымен таныстыра отырып, тұлғаның тарихи-мәдени мұрасын, рухани құндылығын насихаттау. Жас буын ұрпақтарына патриоттық сезім ұялату және адамгершілік рухында тәрбиелеу.
Музей-зал негізгі 5 экспозициядан тұрады:
«Балалық шағы. Білім жолында»,«Асыл ұлы, жасын үні халықтың,Сәкен аға, төріндесіз тарихтың», «Сәкен –жырдың сарқылмас дариясы, Сәкен –сұңқар,мәңгі өшпес асыл мұрасы»,«Сазы мен сыры, сәні,Сарыарқаның сымбаты болған Сәкен»,«Көргендердің көзімен, Сәкеннің салған ізімен».
Сонымен бірге әдебиеттің ақсұңқары Сәкен шығармаларын терең оқып, зерттеу жұмыстарын жүргізуге бағатталған «Сәкентану» кабинеті ұйымдастырылды. Кабинет «Сәкен – қазақ әдебиетінің ақсұңқары», «Сәкеннің әдеби әлемі», «Сәкен жасай береді» бағыттарымен жұмыс жасайтын болады.
«АЛАШ АРДАҚТЫСЫ» музей – залының салтанатты ашылуының қадірлі қонақтары Б.А.Абдикерова- Қарағанды облысында БД ОӘО директоры, Ж.Қ.Смагулов – Е.А.Бөкетов атындағы ҚарМУ профессоры, Т.Т. Аршабеков- этнограф, өлкетанушы, «АРҚА МҰРАСЫ» ғылыми – ізденушілік орталығының директоры. Қарағанды облысының Бейнелеу өнері мұражайының экспедицияларды ұйымдастыру бойынша директордың орынбасары, Ә.Сембеков - Өспен ауылы, С.Сейфуллин атындағы тарихи-өлкетану музейдің жетекшісі, Г.Т.Хасенова –қалалық білім бөлімінің тәрбие және әлеуметтендіру секторының бас маманы, А.Д.Қасқырбай- қамқоршылық кеңесінің төрағасының орынбасары, мектеп директорлары.
Авторство:
