PISA-2021 халықаралық зерттеуге дайындық
Гимназияның магистр дәрежелі математика пәні мұғалімі, Қарағанды облысының білім саласына еңбегі сіңген қызметкер Серікбол Хабдолданың Е.А.Бөкетов атындағы ҚарМУ оқытушыларымен бірлескен «Математикалық сауаттылық» атты оқу құралы жарық көрді.
«Математикалық сауаттылық» оқу құралы педагогикалық мамандар даярлау бағытындағы жоғары және арнайы орта оқу орындарының студенттеріне арналған. Оқу құралында математиканың негізгі бөлімдері қарастырылған. Мектеп математикасы курсындағы мазмұнды есептер, есептер шешу үрдісінің құрылымы, есептерді шығарудан алдын ала жүргізілетін жұмыстар, есептерді шығару жоспарын құру әдістері, есептің семантикалық талдауы.
Материал ғылыми тұрғыда баяндалған. Теориялық материал көптеген мысалдармен бекітілген. Оқу құралын педагогикалық бағыттағы студенттер, оқытушылар, магистранттар және PhD докторанттары қызықтырады.
Оқу құралының маңыздылығы, өзектілігі 2021 жылы өтетін PISA халықаралық зерттеуге дайындық көзі, оқушыны дайындаудың негізгі құралы болып табылатыны сөзсіз.
Әріптесімізге ғылыми әлеуетіңіз таусылмай, биік шыңдардан көріне беріңіз дейміз!
Авторство:
