Гимназияның жастары
жалын жүректі, өршіл намысты, биік рухты .
\қалалық пәндік олимпиаданың қорытындысы\
Қазіргі кезде балалар дарындылығын арттыру үшін көптеген жұмыстар жасалуда. Солардың ішінде зияткерлік әлеуеті жоғары оқушылар арасында ғылыми пәндер бойынша өткізілетін пәндік олимпиадалардың орны ерекше. Олимпиадада қала мектептерінің оқушылары арасында жаратылыстану-математикалық және қоғамдық-гуманитарлық бағыттағы білімдерін көрсетеді. Осындай форматтағы пәндік олимпиада мектеп оқушыларының пәнге деген қызығушылығын тудырумен бірге, олардың білімін бағалаудың әділ жолы болып табылады. Себебі, ғылыми білім ең басты қазына және оқушылар үшін үлкен мүмкіндік, биік шыңдарға шығатын ең алғашқы қадам болып табылады. Олимпиаданың басты мақсаты – оқушылардың шығармашылық қабілеттерін дамыту. Теориялық білім мен практикалық дағдыларын тереңдету, дарынды балаларды анықтау.
Гимназиядан бұл олимпиадаға 47 бала қатысты.
Жүлделі орынды 12 оқушы иеленді, бұл дегеніміз былтырғы жылмен салыстырғанда 1 позиция алдыға қадам жасау. Келесі жылы жүлдегерлер саны бұдан әрі артады деген ойдамыз, себебі ендігі жылы 8 сынып оқушылары бәйгеге қосылады.
Оқушылардың мадақтамалары 1қыркүйек күні салтанатты жиында тапсырылады.
Авторство:
