Ұстаз - келер күннің ұстасы. Балалардың қалыптасып келе жатқан дүниетанымының, өмірге деген көзқарасының иесі. Біздердің бүгінгі болмысымыз әліппені жаттатқызып, қолға қалам ұстатқан кешегі ұстаздарымыздың еңбегі. Ендеше, ұрпағымыздың ертең қандай адам болып өсетіні - мұғалімдердің бүгінгі еңбегінің жемісі болмақ.

92 гимназия шаңырағында  қалалық флипчарттар байқауының ақтық кезеңі өтті. Байқаудың бірінші кезеңінде 100 ұстаз қатысса, екінші турға 37 –сі өтіп, ал тыңдалуға 9 жұмыс жіберілді. Бұл сайысқа  компьютердің құлағында ойнайтын информатиктер ғана емес, сонымен қатар барлық пәндер мұғалімдері де қатысуы көңілді қуантады.

Ұстаздар – мемлекет пен қоғам арасындағы алтын көпір тәріздес. Мемлекеттің идеологиясы, қоғамның дәстүрі мен құндылықтары, адамзаттың асыл қасиеттері, ғылым мен өнердің мұралары ұстаздар арқылы ұрпақтан-ұрпаққа жол тартады.

Құтты   болсын   қуаныш

Шаттық   берсін   тасыңыз

Деніңіз   сау   боп,  ұстаздар

                            Жүзге  жетсін    жасыңыз, -                                      деген тілек айтамыз!