26 қазан 2018 жылы №92 гимназияда Қарағанды қаласының білім бөлімінің әдістемелік кабинетінің жоспарына сәйкес «Жаңартылған білім беру жағдайында оқу үрдісін ұйымдастыруда жас мамандарға көмек көрсету» мақсатында эстетикалық цикл мамандарына арналған әдістемелік семинар өтті.

Технология, көркем еңбек пәні мұғалімі К.Б.Конысбаева «Білім беру мазмұнын жаңарту жағдайында жаңа технологиялардың ерекшеліктері» атты тақырыбында тәжірибесімен бөлісті. Технология мен көркем еңбек пәні мұғалімдері Н.Х.Жакупов «Жиһаз жасау технологиясы» және Г.М.Шалмагамбетова мен К.Б.Конысбаева «Сәндік бұйымдарды жасау технологиясы» тақырыбында шеберлік сабақтарын өткізді. Сонымен қатар гимназияның мұражай жетекшісі Г.М.Шалмагамбетова семинарға қатысушыларға «Мұражайым – руханият бесігім» тақырыбындағы  көрме ұйымдастырып, мұражайдың 20 жылдық тарихына шолу жасады.

Әдістемелік кабинеттің әдіскері Ж.К.Дюсенбина және семинарға қатысушы мамандар рефлексия кезінде семинарға оң пікір білдіріп, қорытынды ұсыныстар жасады.