Бугін 15 қазан №92 гимназияда екінші ауысымның саптық жиынында 11 қазан қыздарды қорғау күніне байланысты іс-шара өтті! Бұл іс – шарада 6 «Б» сыныбы халқымыздың қыз балаларды ардақтап ұстайтынын, оған қатты сөз айтпай, мәпелеп өсіретінін атап айтты! Сонымен қатар қыз балаларды, әпкелеріміз бен аналарымызды қорғап жүру әр азаматтың міндеті екенін айтты!

Дүние жүзінде қыздар күн сайын кемсітушілік пен зорлық-зомбылыққа ұшырайды. Бұл жағдайды өзгерту және қазіргі заманғы қауіп-қатерлерге лайықты қарсы тұру үшін БҰҰ Бас Ассамблеясы 11 қазанды Халықаралық қыздар күні деп жариялады. «Қыз – елдің көркі, гүл – жердің көркі» демекші, осының бәрі қыз баланың сүйкімділігінен, нәзіктігінен, өнер-білімге бейім тұратын сергектігінен шыққан сөздер!