Ұлы Жеңіс оңайлықпен келген жоқ. Майдангерлердің иығына аса ауыр жүк түсіп, Отаны, елі үшін от болып жанды, оқ болып атылды. Қаншама боздақтар ұрыс даласынан қайтпай қалды. Арын – байрақ, намысын найза еткен ерлердің қаһармандығы аңызға айналды. Осы қасиетті күні адалдық пен еліне деген жанқиярлықтың үлгісін көрсеткен қаһармандардың рухы алдында бас иіп, тағзым етеміз. Уақыт өз дегенін жасайды. Жыл өткен сайын бізге Ұлы Жеңісті сыйлаған ардагерлеріміз бен тыл жұмыстарында аянбай тер төккен жандардың қатары сиреп барады. Сондықтан Ұлы Жеңістің авторлары – майдангерлерімізді сыйлап, құрметтеу, оларға қамқорлық жасау басты борышымыз! Сол себепті 46 ЖББОМ "Unusualstars" еріктілер тобының жалынды жастары ерлікке тағзым етіп, осы мерекеге орай тыл ардагерлерін құттықтап, РФ президентінің медалін тарту етіп, тәттілерін үлестірді. Сол себепті 46 ЖББОМ "Unusualstars" еріктілер тобы "Рука помощи" еріктілер желісімен бірігіп мерекеге орай тыл ардагерлерін құттықтап, РФ президентінің медалін тарту етіп, тәттілерін үлестірді.