16-желтоқсан – Қазақстан Республикасының Тәуелсіздік күні. Ата-бабамыздың ғасырлар бойы асыл арманына айналған бұл мерекенің әрбір отандасымыз үшін орны ерекше. 1991 жылдың 16 желтоқсанында «Қазақстан Республикасының мемлекеттік тәуелсіздігі туралы» Заңы қабылданды. Тәуелсіздік – білектің күшімен, найзаның ұшымен қан майданда шайқасқан бабаларымыздың басынан өткерген азапты күндерінің өтеуі ретінде ұрпағына берілген ұлы сый. Ол 1986 жылғы оқиғаға қатысқан жастардың берік рухының  отаншылдық жалынының жемісі. Сондықтан,  тәуелсіздік тұғырын берік ұстап, ел болашағын жаңа белестерге көтеру бүгінгі күннің еншісінде. Соған орай  14.12.2018 жылы «Тәуелсіздік күні» қарсаңында бастауыш сынып арасында «Туған жерім – Қазақстан!» атты мерекелік концерт өтті. Бастауыш сынып оқушылары мерекелік концертте ән айтып, сахналық қойылымдар қойып, би билеп өз өнерлерін көрсетті.Ұлы тарихқа тағзым етіп, Отан мүддесі үшін қызмет етейік. Бірлігіміз нығайып, берекеміз асқан елге айналайық. Аспанымызбен астасқан көк туымыз биіктен желбірей берсін! Тәуелсіздік мерекеміз құтты болсын, ағайын!