Қысқы кезеңде білім беру ұйымдарында өткізілетін сабақтардың температуралық тәртібі

Құрметті ата – аналар!

         ҚР білім және ғылым Министрлігінің 2006 жылғы 27 қыркүйектегі «Қысқы кезеңде білім беру ұйымдарында өткізілетін сабақтардың температуралық тәртібі туралы» №509 бұйрығын сіздерге хабардар етеміз және Қарағанды қаласының ТЖ бойынша басқармасының келісімімен, гидрометриялық орталығымен білім беру ұйымдарындағы сабақтардың тоқтатылуы бойынша келесі жағдайлар анықталды:

•  Цельсий бойынша 25 градус суықтықты көрсетсе және одан төмен желдің жылдамдығы секундына 10-15 шақырым және одан да жоғары болса 1-4 сыныптарда сабақ тоқтатылады; 

• Цельсий бойынша 27 градус суықтықты көрсетсе және одан төмен желдің жылдамдығы секундына 10-15 шақырым және одан да жоғары болса 1-9 сыныптарда сабақ тоқтатылады; 

• Цельсий бойынша 30 градус суықтықты көрсетсе және одан төмен желдің жылдамдығы секундына 10-15 шақырым және одан да жоғары болса 1-11 сыныптарда, кәсіптік мектептерде (лицейлерде), колледждердің 1 курстарында сабақ тоқтатылады; 

Білім және ғылым Министрлігінің аталған бұйрығын және білім бөлімінің ұйғарымын  орындай отырып, Сіздердің ой – пікірлеріңізді әрдайым ескереміз. Балаңызбен бірге температуралық тәртіпте сабаққа қатысу туралы шешімді өзіңізге қалдырамыз.

Сіздерге мектеп ғимаратының негізінен мектеп оқушыларының тұратын жерінен алыс емес жерде, яғни ықшамауданның ауласында екендігін еске саламыз.

Біз сіздермен бірге өсіп келе жатқан ұрпақтың денсаулығына уайымдаймыз.

Солай болғандықтан:

• егер Сіздер баланы мектепке жібергілеріңіз келсе, уайымдамаңыздар. Сіздердің балаларыңызды мектепте міндетті түрде әкімшілік және педагогтар қарсы алады. Мұғалімдер олармен жеке айналысады;

• егер Сіздер баланы үйде қалдырамын деп шешсеңіздер, онда оқушының сабақты қалдыруы негізсіз себеппен сабақтан қалған болып саналмайды.