Қазіргі жағдай бәріміз үшін оңай болып тұрған жоқ, бірақ біз осы қиын – қыстау жағдайдан абыроймен өтуге тиіспіз. Мұғалімдер сендер үшін тапсырмалар дайындайды, ал сендер сол тапсырманы дер кезінде орындауларың керек. Тек осылай ғана біз осы бір кезеңнен сүрінбей өте аламыз. Егер сендерге тапсырма түсініксіз болса, мұғалімдер бәрін түсіндіреді. Бірге оқитын құрбы – құрдастарыңды, мұғалімдеріңді сағынып жүргендеріңді білеміз және бұл қалыпты жағдай. Біз де сендерді сағынамыз және таяу арада қайта кездесетінімізге сенеміз.
      Қазір сендердің қызықты кітаптар оқуға, виртуалды мұражайларға қатысуға, фильмдер мен спектакльдер көруге мүмкіндіктерің бар. Уақыттарыңды өз отбасыларыңмен бірге қызықты өткізуге, үстел ойындарың ойнауларыңа болады. Барлықтарыңа денсаулық, нық сенім мен шыдамдылық тілеймін! BIZ BIRGEMIZ!