Қалалық білім бөлімі әдістемелік кабинетінің жылдық жоспарына сәйкес 28-29 наурыз күндері «М.Жұмабаев атындағы №39 гимназия» КММ базасында М.Жұмабаевтың туғанына 125 жыл толуына орай қалалық «Мағжан оқулары» өтті.

Байқаудың мақсаты - ұлт рухын асқақтатқан ақын Мағжан Жұмабаев шығармаларының құндылығын, тәрбиелік мәнін насихаттау, бәсекеге қабілетті тұлғаның шығармашылық құзыреттілігін дамыту.

Мағжан оқуы «Рухани жаңғыру және Мағжан» тақырыбында онлайн режимінде дөңгелек үстелмен басталды. Дөңгелек үстелге Қарағанды мемлекеттік университетінен, «Өрлеу» оқыту орталығынан, Қарағанды облысы тілдер басқармасынан ғалымдар, аға оқытушылар, әдіскерлер мен қаламыздың ақындары қатысты.

28 наурыз күні Мағжан оқуының іріктеу кезеңі болып өтті. Іріктеу кезеңінен өткен жеті оқушы «Мен жастарға сенемін!» бағыты бойынша Мағжан шығармаларын жатқа оқыды.

2-бағыт. «Күн шығыстан таң келеді, мен келем» жас дарындар, ақын ұстаздар  өз шығармашылықтары бойынша бақ сынады.

3-бағыт. «Рухани жаңғыру және Мағжан»  тақырыбнда қала мектептерінің мұғалімдері арасында эссе байқауы болды.

Жүлдегерлер мен жеңімпаздар білім бөлімінің дипломдарымен, келген қонақтар мен әділқазылар алқасы Мағжан оқуларын өткізуге қосқан үлесі үшін ҚҚББ-нің Алғыс хатымен марапатталды.

Әнет баба мешітінен имам шақырылып, Алаш арыстарына, арнайы Мағжан Жұмабаевтың рухына құран оқытылды.

Байқаудың әр бағыты бойынша оқушы дайындап, жақсы нәтиже көрсеткен білім беру ұйымдары мен жетекшілеріне алғыс білдіреміз және жеңістерімен құттықтаймыз!