Қазақстан Республикасы Президенті Н.Ә. Назарбаев өзінің «Қазақстан жолы-2050: Бір мақсат, бір мүдде, бір болашақ» атты қоғамның негізгі құндылықтарын қалыптастыруға бағытталған «Мәңгілік ел» жалпыұлттық идеясын іске асыру үшін М. Жұмабаев атындағы № 39 гимназия Қарағанды қаласының  білім бөлімімен бірлесе отырып «Азаттықтың ақ таңы»  қалалық ғылыми-тәжірибелік конференциясын (онлайн) өткізді.

Конференция  мақсаты:  Алаш қайраткерлерінің ерен еңбектерін дәріптей отырып, жарқын қоғамның жаңаша бағытын қалыптастыру.

Конференция бағыттары:

1.     1916 жылғы ұлт-азаттық қозғалысқа- 100 жыл;

2.     Алашорда көсемдерінің көрегендігі;

3.     Алашорда және Тәуелсіз Қазақстан;

4.     Қайта оралған есімдер (ұлт зиялылары);

Пленарлық отырысты Қарағанды қаласы білім бөлімі басшысының орынбасары  Кенешова Раиса Амиртаевна ашып,   Е.А.Бөкетов атындағы ҚарМУ т.ғ.к., доцент  «Тұлғатану» ғылыми орталығының директоры  Бейсембекова Нұрсахан Ахметовна «Отандық тарихты оқытуда  Алаш зиялыларының еңбектерін қолдану» тақырыбында, «№4 жалпы білім беретін мектеп-интернаттың тарих пәнінің мұғалімі Зубочкина Елена Александровна «Феномен Халелла Досмухамедова» тақырыбында, М.Жұмабаев атындағы №39 гимназия директоры Базыл  Жангелді  Сағынтайұлы  «Тәуелсіздікпен төл мектеп» атты баяндамалар жасады.  Пленарлық отырыс аяқталғаннан кейін «Алаштану» кабинеті ашылып, 4 желілік бағытта секциялық отырыс өтті. Конференция жұмысы «Азаттықтың ақ таңы» тақырыбындағы концерттік қойылыммен, мазмұнды баяндама жасаған мұғалімдер мен оқушыларды  марапаттаумен аяқталды

Тарих бізге тәуелсіздікті тарту етті. Енді біздің парызымыз - ұлттық рәміздерді қастерлеу, тәуелсіз мемлекетімізді өркениетті елдер қатарына қосу, мәдениеттің биік шыңына көтерілу.