М.Жұмабаев атындағы №39 гимназияда «Қамқоршылар күні» мерекесі қарсаңында гимназия әкімшілігі тәрбие жұмысының орынбасары Ильяшова Ж.Р, әлеуметтік педагог Тусупбекова З.А, 6  «ә» сынып жетекшісі Смагулова К.С. және 6  «ә» сынып оқушыларының қатысумен «Мейірімі мол жандар» атты концерттік бағдарлама ұйымдастырылды. Бұл мереке оқушылардың санасына мейірімділік, қайырымдылық ұғымдарын қалыптастыру, оқушыларды кішіпейілділікке, бауырмалдыққа баулу, алақан жылуын, мейірімділікті аңсаған әрбір жанның жүрегіне жылылық ұялатып, бақыт сыйлау мақсатында аталып өтті.   Мерекелік іс- шараға біздің гимназиямызға қамқоршы болып отырған Жумадилов Болат аға шақырылып,батыл қадам жасап, бала тәрбиесіне үлкен үлес қосып, балаға деген жүрек жылуын бөлісуге атсалысып, ыстық ықыластарыңыз бен аялы алақандарыңызды созып,  адамдық мейірімділік пен жомарттық танытқаны үшін гимназия директорының  алғыс хатымен марапатталды.