КУРСТАН КЕЙІНГІ ЖҰМЫС: ҮШТІЛДІ БІЛІМ БЕРУ ЖӘНЕ ТІЛДЕРДІ ОҚЫТУ СТРАТЕГИЯЛАРЫ

29 қыркүйекте PISA тренерлері Айткенова М.Б. және Акульбекова Н.З. М.Жұмабаев атындағы №39 гимназияда мұғалімдерге арналған облыстық семинар өткізді. Тақырыбы – «Үштілді білім беру және тілдерді оқыту стратегиялары». Семинар мақсаты – тілдерді оқытуда белсенді оқу стратегияларын пайдалану дағдыларын дамыту.

Семинар барысында қатысушылар тілдерді оқытудың инновациялық әдістерімен танысты, білім беру мазмұнын жаңарту жағдайында тілдерді оқыту ерекшеліктерін білді, сонымен қатар белсенді оқу стратегияларын дайындауға атсалысты. Семинар қатысушыларына сабақтың мақсаттары ұсынылып, сол мақсаттарға өз тапсырмаларын құру тапсырылды.

М.Жұмабаев атындағы №39 гимназияның орыс тілі пәнінің мұғалімі М.К. Каржасбекованың шеберлік сыныбы қатысушылардың ерекше ықыласын тудырды, ұстаз жаңартылған білім беру мазмұны бойынша бірінші сыныптағы іс-тәжірибесімен бөлісті.

Ұстаздар курстан кейінгі жұмыс аясында семинарда оқу жұмысын жалғастыруға тілек білдірді.