«ҚАЛАМЫ ҚҰДІРЕТТІ ҚАЛАМГЕРЛЕР» атты әдеби-сазды кеш

Ұйымдастырушы: Қазақ тілі мен әдебиет пәні мұғалімі: М.Альжанова, Ж.Жакишева

Жүргізуші:6 «Ә» сынып оқушысы Базылова Ақниет, 10 «Ә» сынып оқушысы Нұртілеу

Бүгінгі кеш қазақ әдебиетінің жарық жұлдыздары, қазақ поэзиясының тарландары, сөз өнерінің шеберлеріне арналмақ. Биылғы жыл қаншама қарымды қаламгерлеріміз бен арқалы ақындарымыздың атаулы мерейтойлары.

Биылғы жылы ағартушы, педагог, фольклоршы, этнограф, жазушы Ыбырай Алтынсариннің туғанына 2 қарашада 175 жыл толмақ. Сонымен қатар Алаштың асқақ ұлы, қазақ тілінің атасы Ахмет Байтұрсынұлына 145 жыл, ғаламат жырау Дулат Бабатайұлының туғанына 215 жыл, қазақтың суырыпсалма ақыны Әсет Найманбайұлына 150 жыл, халық жазушысы Ғабит Мүсіреповке 115 жыл толғалы отыр.Жыр маржаны, сұлу сөз, өлеңмен халықты әлдилеген қазақ поэзиясы өкілдерінің есімі жас ұрпақтың жадынан өшпейтіні анық.