Қазақстан Республикасы Тәуелсіздігінің 25 жылдығына орай қалалық білім бөлімі мен Мағжан Жұмабаев атындағы №39 гимназияның ұйымдастыруымен алғаш рет өткізілген "Жыл сыныбы - 2016" байқауы мәресіне жетті.
Байқау 3 кезеңнен тұрды. Іріктеу, сайыстық, қорытынды кезең.
• Іріктеу кезеңінде сайысқа қатысушылар бір жыл бойғы жан-жақты жетістіктерін жинастырып, сыныппен ашық тәрбие сағатын өткізді.
• Сайыстық кезеңде сыныпты әр қырынан сынға алатын, оқушылардың интеллектісін, логикасын, шығармашылдығын анықтайтын тапсырмалар берілді.
• Ақтық кезең, яғни қорытынды кезеңде сынып оқушылары өз сыныптарын жарнамалап, 5-7 минут аралығында сахнада өнер көрсетті.
Байқауға барлығы 14 мектеп қатысып, іріктеу кезеңінен 10 мектеп өтті. 6 мектеп сайыстық кезеңде сыналып, сәуір айының 29 күні әділқазылардың әділ шешімімен №92 гимназияның 9 «А» сыныбы «Жыл сыныбы-2016» атанды. Жеңімпаз сыныпты жеңістерімен құттықтай отырып, биік шыңдарды одан әрі бағындыра беріңдер деп тілек білдіреміз.
Гимназиямызда өткен "Жыл сыныбы - 2016" байқауы Қазақстан-Қарағанды телеарнасынан көрсетіліп, газет бетіне басылымға берілді.
Contacts
