Қаңтар айының 23 күні  М.Жұмабаев  атындағы  №39 гимназияда 9-сыныптардың ата-аналарымен «Мамандықты таңдау, келешекті ойлау» тақырыбында жалпы ата-аналар жиналысы коучинг түрінде өтті. Күн тәртібінде алдымен директордың оқу ісі бойынша орынбасары С.Д.Изтулеуованың  «Оқушылардың оқу жетістігін сырттай бақылауға дайындығы» жайлы, директордың тәрбие ісі бойынша орынбасары Ж.Р.Ильяшованың «Гимназиядағы оқушыларға кәсіби бағдар беру жұмысының барысы» жайлы сөздері тыңдалды. Кейін 9 «ә» сынып жетекшісі Б.К.Акбаева  ата-аналармен «Мамандықты таңдау, келешекті ойлау» тақырыбында коучинг өткізді. Мұнда негізінен  оқушылардың келешектегі мамандығын таңдауына әсер ететін факторлар, елбасының жолдауында айтылған кәсіби білім беру жүйесіне енгізілетін өзгерістер, оқушылардың жұмысшы мамандықтарын  таңдауына жағдай жасау, мамандықты дұрыс таңдаудың маңыздылығы  сияқты көптеген мәселелер қарастырылды. Сонымен қатар, гимназия психологы М.Қ.Кошанова «D.I.S.K.» әдісімен - адамның мінез-құлқының мамандық таңдауына  әсері жайлы кеңестер берді. Қарағанды «Экономика және статистика» колледжінің оқытушысы Б.А .Байболатова, Қарағанды «Көлік технологиялық» колледжінің оқытушысы Ж.Д. Дәулетбаева  кәсіби техникалық мамандықтардың түрлерімен таныстырды. Ата-аналар соңынан жақсы лебіздері мен тілектерін айтып тарасты.