Тәрбие ісінің меңгерушісі Ильяшова Жанагуль Рахымжановна мен сынып жетекшілер кафедрасының жетекшісі, қазақ тілі мен әдебиет пәнінің мұғалімі Альжанова Мөлдір Жақсыбаевнаның ұйымдастырумен сынып жетекшілер семинары өтті.

    Семинар барысында Ж.Рахымжановна тәрбиенің мақсат-міндеттері мен әдіснамалық негіздерін таныстырып, бала тәрбиесіне байланысты сауалнама алды.

       Одан әрі М.Жақсыбайқызы ұстаздарды Ш.Қалдыаяқовтың  «Ақ бантик» әні арқылы топқа бөлді. «Жақсы ұстаз болу қолымыздан келе ме?» деген сауал қоя отырып, жас мамандарға алғашқы баспалдақ ретінде сынып жетекшілік қызметтің қыр-сырын түсіндірді. Үнемі даму үстінде жүруге, көркем әдебиет оқуға, өз жұмыстарын есепсіз сүюге шақырды. Тәрбиеші қай мамандықтың иесі болса да, тәрбиенің ұлттық болуы керектігін ескертіп, нағыз ұстаз бейнесін Әбунасыр әл-Фарабидің сөзімен түйіндеді:

       «Ұстаздың мінез-құлық нормасы мынадай болуы тиіс: ол тым қатал да болмауға тиіс, тым ырыққа да жығыла бермеу керек, өйткені тым қаталдық шәкіртті өзінің ұстазына қарсы қояды, ал тым ырыққа көне беру ұстаздың қадірін кетіреді»

     Сынып жетекшілерге топ бойынша 4 жағдаят ұсынылып, ұстаздар өз тәжірибесімен бөлісті.

             Семинар соңында ұстаздар ақ жүрекке ақ жүректерімен  семинардан алған әсерлері мен ақ ниеттерін жазды.