Іс-шара мақсаты – ата-анасының қамқорлығынсыз, жылуынсыз қалған жетім балаларға, мүмкіндігі шектеулі жандарға бір күн болса да өз қамқорлығымызға алып, көңілдерін шаттыққа бөлеп, жылылық сезім мен көтеріңкі көңіл сыйлау. 2015-2016 оқу жылында гимназиямызға 5 «ә» сыныбына Қарқаралы ауданынан келген, туған атасы қамқорлығына алған оқушы Болат Арман келді.

«Қамқоршылар күніне» орай 21 қазан күні 5 «ә» сыныбында «Мен және менің отбасым» атты тақырыпта өнеге сағаты өтті. Өнеге сағатқа Болат Арманның қамқоршысы Жумадилов Болат ата, тәрбие ісінің орынбасары Ильяшова Ж.Р. мед бике Ахмадина А.Т. және әлеуметтік педагогтар шақырылды.

23 қазан күні «Қарағанды облысы Қарағанды қаласының №2 психоневрологиялық әлеуметтік-медициналық орталығына» КММ  гимназия ұжымы әлеуметтік педагогтар Тусупбекова Р.А., Жумашова К.Е. бастауымен «Мейірімділік – адамгершілік белгісі» атты концерттік бағдарламамен  шаттық сыйлап Садирбеков А.Т. (тарих пәні мұғалімі), Альжанова М.Ж. (қаза тілі пәні мұғалімі), Ермек Ерғанат (технология мұғалімі), Садуова Ақерке (георгафия пәні мұғалімі), Искакова Жаннұр (тарих пәні мұғалімі) және гимназиямыздың мақтаныштары «Шолпан» би ансамблі мен 9 сыныптың оқушылары Қуаныш Нұртілеу (домбыра), Муталипова Милиям (қобыз), барып қайтты.

Мекеме әкімшілігі шаттық сыйлаған өнер ұжымына шығармашылық табыс тілей отырып, гимназия ұжымына, басшысына «Алғыс хат» жолдады.

27 қазан күні «Қарағанды облысы денсаулық сақтау басқармасының «Шапағат» Балалар Үйі» КММ гимназиямыздың технология пәні мұғалімі Рымбаева Надежда Ивановна және әлеуметтік педагогтар Тусупбекова Р.А., Жумашова Қ.Е. барып, кішкене бөбектерге қолдан тоқылған жылы шұлықтар мен жемістерді табыстады. Балалар үйінің әкімшілігі рахметтерін гимназия ұжымына «Алғыс хат» арқылы білдірді.

Болашақта да мұндай қамқорлыққа байланысты игі істер гимназиямызда өз жалғасын табады.