Ұстаз туралы қанша мақтау сөз айтсақ та тауыса алмаспыз.«Ұстаз» ұлағатты есім. Шәкірттерін білім нәрімен сусындатып, тәлім-тәрбие беру, жақсы қасиеттерді бойына дарытып, адамгершілік рухта бағыт-бағдар беруде ұстаздың еңбегі зор. Гимназиямызда ұстаздар күніне арналған іс-шаралар болып өтті.

01.10.2015 күні 11 «а»,11 «ә» сынып оқушылары қабырға газетін, баннер шығарды.

29.09-04.10.2015 күні гимназия кітапханашысы Абеуова А.А «Ұстаз болу-жүректің асылдығы» атты кітаптар көрмесін ұйымдастырды.

29.09-04.10.2015 күні өнер кафедрасының ұстаздары 1-6 сыныптар арасында «Ұстаздар жақсылықтың жолашары...» балалар шығармашылығының көрмесін ұйымдастырып өткізді.

30.09.2015 күні 1-11 сынып жетекшілері «Ұстаз-мектеп жүрегі» тақырыбында өнеге сағаттарын өткізді.

02.10.2015 күні 11 сынып оқушылары мен «Жас Ұлан» бірыңғай балалар мен жасөспірімдер ұйымының белсенді мүшелері таңертеңгілік уақытта құттықтаумен қарсы алды. «Ұстазым! Ақылшы дос, ой-арманым...» тақырыбында мерекелік кеш өтті. Кешіміз мектебіміздің директоры Базыл Жанкелді Сағынтайұлының құттықтау сөзімен басталды.Гимназиямыздың ардагер ұстаздары арнайы шақырылып, мерекелік кешті тамашалады. 8-10 сынып оқушылары ардагер ұстаздарымызға өздерінің дайындаған шағын сыйлықтарын ұсынды. Мерекелік кештің соңынан қарт ұстаздарға арналып мерекелік дастархан жайылды. Мерекелік кешке БАҚ өкілі шақырылып кештің барысын түсірді.Бастауыш сынып оқушылары тілек лебіздерін білдіріп, ұстаз жайлы өлең-шумақтарын ұсынды. Кеш соңында көңілді күй әсем әнмен оқушылар сахна төріне шығып, «Ұстазым» әнін орындады.