2015 жылдың 28 наурызында барлық мектептер арасында қалалық кәсіподақ ұйымының ұйымдастыруымен ұстаздардың хор, сахна өнері, проза, поэзия бөлімі бойынша сайысы өтті. Сайыста музыка пәні мұғалімі Толқын Медеубаеваның сүйемелдеуімен ұстаздар «Туған жер» әнін хормен орындады. Қазақ тілі мен әдебиет пәні мұғалімі Д.М.Омирбаева «Нәресте үні» монологын әсерлі оқып, көрермен көзіне жас үйірді. Математика пәні мұғалімі Жансая Маратқызы мен  Мөлдір Жақсыбайқызы «Ықыластың қобызы» әнін орындады.Ағылшын тілі пәні мұғалімі Бикен Қалымқұлқызы, қазақ тілі мен әдебиет пәні мұғалімдері Рысты Мінажқызы мен Мөлдір Жақсыбайқызы поэзия бөлімі бойынша арқалы ақын, айтулы азамат Алмас Темірбайдың " Уақыттың қадірі " толғауын оқыды. Оқырманын ойландырған ойлы жыр - тыңдарманды да тамсандырды. Гимназия ұстаздары жоғары дайындықпен қатысып, қошеметке ие болды. Сайыс қорытындысын күтудеміз. Сәттілік тілейміз!