Наурыз айының 4-і күні гимназиямызда қазақ тілі мен әдебиет кафедрасының ұйымдастыруымен «Әдебиет әлемінің асылдары» атты әдеби-сазды кеш өтті.

Ұйымдастырушы:

Қазақ тілі мен әдебиет пәні мұғалімі: М.Альжанова

Жүргізуші:

ҚМББ «Болашақ» колледжінің студенті: Әсем Әшімхан

Бұл кеш қазақ әдебиетінің жарық жұлдыздары, қазақ поэзиясының тарландары, сөз өнерінің шеберлеріне арналды. Биылғы жыл қаншама қарымды қаламгерлеріміз бен арқалы ақындарымыздың атаулы мерейтойлары.

Атап айтсақ, Жұматай Жақыпбаев, Темірхан Медетбектің 70 жылдығы, Мұхтар Мағауиннің 75 жылдығы, Қадыр Мырзалиев, Тұманбай Молдағалиев, Асқар Оразақын, Қалихан Ысқақов пен Жұмекен Нәжмеденовтардың 80 жылдығы, Ілияс Есенберлиннің, Әбу Сәрсенбаевтың, Мәлік Ғабдуллиннің 100 жылдығы, Асқар Тоқмағанбетовтың 110 жылдығы.

Кеш барысында  3 түрлі жанрда байқау өткізілді.

1.     Поэзия жанры. Бұл кезеңде қатысушыларымыз мерейтой иелерінің өлеңдерін мәнерлеп оқиды.

2.     Проза жанры. Оқушылар майталман жазушыларымыздың шығармасынан үзінді оқиды.

3.     Ән сайысы. Сайыскерлер ақындар сөзіне жазылған әндерді орындайды.

Байқауға қатысушылардың өнерін сарапқа салып, әділ бағасын берген әділқазылар:

1.     Директордың тәрбие  ісі жөніндегі орынбасары А.Т.Шайхин

2.     Қазақ тілі мен әдебиет пәнінің мұғалімі С.Орден

3.     Қазақ тілі мен әдебиет пәнінің мұғалімі Р.Абдирова

      Кеш өте әсерлі өтті. Ән байқауында көрермендер сайыскерлерге орындарынан тұрып құрмет көрсетті. Сахна төріне өнерге енді ғана аяқ басқан жаңа таланттар шықты. Биылғы жылы гимназиямызға жаңадан келген музыка пәнінің мұғалімі Медеубаева Толқын мұғалімнің еңбегін ерекше атап өтсе болады.Музыка мұғалімінің сүйемелдеуімен оқушылар әннің мақамын нақышына келтіре орындап, жоғары деңгейде өнер көрсетті. Проза жанры бөлімінде де оқушылар қара сөз оқудың шеберлігін көрсетті.

Кітапхана меңгерушілері де (Тулеубаева Сания Мылтықбаевна) өз үлестерін қосып, мерейтой иелерінің жинақтарынан көрме ұйымдастырды.

      Байқау қорытындысы бойынша төмендегідей нәтиже көретті:

І. Поэзия жанры бойынша сынға түскен оқушылар:

І орын - Рсай Заңғар 6 «б»

ІІ орын -Муталипова Ғайнел 7 «Б»

ІІІ орын - Айтуған Нұрдаулет 5 «б»

ІІ.Проза жанры.

І орын - Елемесова Перизат 10 «А»

ІІ орын - Айтжанова Назира 7 «А»

ІІІ орын - Абдуалиев Дінислам 5 «Б»

ІІІ Ән байқауы.

І орын - Айтжанова Назира 7 «А» сынып оқушысы,

ІІ орын - Муталипова Ғайнел 7 «Б» сынып оқушысы,

ІІІ орын - Рсай Заңғар  6 «Б» сынып оқушысы иеленді.

Жеңімпаздарды жеңістерімен құттықтаймыз!