28-қараша күні 10 «ә» сыныбы «Елі сүйген, елін сүйген  Елбасы» атты 1 –желтоқсан ТҰҢҒЫШ Президент күніне арналған мерекелік кеш өткізді.

Кештің  мақсаты : Елбасының өмір жолы, ерекше қадір-қасиеті, тұлғалық тұғыры, ерен еңбегі туралы түсінік беру, Елбасының өмірі мен еңбегін үлгі тұту, елжандылыққа, отансүйгіштікке, азаматтыққа баулу; ел болашағын ойлайтын, халқы үшін қызмет ететін, ұлттық сана-сезімі жоғары, саяси-құқықтық мәдениеті қалыптасқан тұлға тәрбиелеу; көпшілік ортада еркін сөйлеу, өз ойларын ашық айта алу дағдысын, болашаққа деген оң көзқарасын қалыптастыру.

Көрнекілігі: интерактивті тақта, слайдтар, Елбасы кітаптары, Елбасы туралы жазылған кітаптар, бейнероликтер, бейнебаян, суреттер.

Кеш тартымды, қызықты өтті. Кешті гимназия оқушылары Сарбасова Айшолпан , Еркінов Данияр , Айтбаев Әділ, Карабаева Алтынай жүргізді.

Койшугулова Айжан мен Орынхан Айханым Елбасының отбасы , еңбек жолы туралы слайдтар дайындап, интерактивтік тақтада көрсетті.

Ербосынов Айбатыр бала Нұрсұлтан , ал Карабаева Алтынай оның анасы Әлжан апа рөлінде ойнады. Кеште сол сияқты мектебіміздің өнерпаздары Кеңесбек Ботагөз, Төлеутаева Аягүл , Елемесова Перизат , Жұмаш Жанкелді ән айтып, өз өнерлерін көрсетті. Кеш ,, Атамекен’’ әнін хормен айтумен аяқталды. Кеш бойында Н.Назарбаевтың ,, Үшқоңыр’’ , ,, Елім менің ’’ әндері орындалды .