24.10.2014ж. күні тарих пәні мұғалімі Кошикова Сания Камысбаевнаның ұйымдастыруымен 6-сынып оқушылары және гимназия тәлімгері Сыздыкова Жанар Рыскалиқызы Теміртау қаласына экскурсияға барып қайтты.

     Бірінші кезекте оқушылар ҚР президентінің Теміртау қаласындағы жаңа тарихи-мәдени орталығына барды. Бұл мұражайға қойылған әр зат ҚР президентінің есімімен байланысты. Нұрсұлтан Әбішұлы Назарбаевтың жеке құжаттары қойылған көрмелерді жаңа мұражайдың әр залынан көптеп кездестіруге болады. Отбасына арналып жасалған көрме, студенттік шақта түскен суреттері бір топтама болып жасалған. Экспонаттардың ішіндегі ең көрнектісі - Нұрсұлтан Әбішұлы Назарбаевтың ата-бабасының шежіресі. Қолдан жасалған туындыда президенттің шыққан тегінің 12 ұрпағы көрсетілген. Мұражайдың тұтас бір залы Нұрсұлтан Әбішұлы Назарбаев жұмыс істеген металлургиялық комбинаттың тыныс тіршілігінен хабар береді. Залдың едені, төбесі, жарық көздері, цехтар, құрал-жабдықтардың бәрі тура комбинаттағыдай етіп жабдықталған.

  Одан кейін оқушылар серуендеуді экзотикалық өсімдіктер өсетін ботаникалық баққа саяхатпен жалғастырды. Бақтағы үлкен фуркройя гүлі өмірінде бір рет гүлдейді екен. Бразилиялық өсімдік талғампаз келгендіктен, оны қолда өсіру де оңай емес. Алғаш рет ботаникалық бақтағы сегіз метр сабағы бар өсімдік осыдан бес жыл бұрын гүлдепті. Қазіргі фуркройя соның тұқымынан өскен екен. Тағы бір экзотикалық өсімдік - стрелиция да гүлдеген. Африка өсімдігі әдетте көктемде гүлдейді екен. Экзотикалық гүлдердің қақаған суықта гүл ашуы Теміртауда ғана кездесіп отыр.

         Экскурссия соңында оқушылар жастарға арналған спорт алаңына барды. Спорт салауатты өмір салтын сүруге себепші деп тегін айтылмаса керек. Жастарды салауатты өмір салтына бейімдеу үшін еліміздің жастарына зор мүмкіншіліктер жасалуда.