М. Жұмабаев атындағы №39 гимназияда 22-23 қазан аралығында спартакияда бағдарламасы бойынша қалалық мектеп оқушылары арасында тоғызқұмалақтан жарыс өтті.
Жарыстың мақсаты:
- салауатты өмір салтын қалыптастыру;
- ұлттық спорт түрлерін насихаттау және дамыту;
- үздік спортшылар мен командаларды анықтау;
- облыстық жарысқа іріктеу жасау.
Жарыс Қазақстан Республикасының гимнімен ашылып, директордың тәрбие ісінің меңгерушісі Оспанова Қымбат Дауітбекқызына сөз берілді. Жарыстың ашылу салтанатында «Шолпан би» тобы қазақ биін билеп, 11-сынып оқушысы Кеңесбекова Ботагөз әсем ән шырқады.
Жарыстың бас төрешісі - дене шынықтыру пәні мұғалімі Тажкеев Нұрхат Маратұлы жарыстың ережесімен таныстырды.
Тоғызқұмалақ жарысына 12 мектеп командасы қатысты. Әр командада 5 оқушыдан, жалпы 60 оқушы қатысқан жарыс жоғарғы дәрежеде өтті.
І орын - №22 мектеп командасы,
ІІ орын - №39 гимназия командасы,
ІІІ орын - №92 гимназия командасы иеленді.
Бірінші және екінші орын алған командалар облыстық жарысқа жолдама алды.
Contacts