Қыркүйек айының 6 күні гимназиямызда «Денсаулық фестивалі-2014» күні аталып өтті.«Мемлекетіміздің басты байлығы – ұрпақ саулығы» деп Елбасымыз айтқандай, халықтың денсаулығы басты қазынамыз екендігі рас. Қазіргі таңда денсаулық сақтау саласын жақсарту мақсатында көптеген жұмыстар қолға алынып, ауыз толтырып айтарлықтай нәтижелерге қол жеткізіп келеміз.Облысымызда жыл сайын «Денсаулық фестивалін» ұйымдастырып, оған қарапайым халықты тар­ту дәстүрі жалғасын тауып келеді.

      Ал, спортты денсаулық кепілі дейтін болсақ, ел намысы сыналатын салада да біршама өзгерістер орын алып келеді. Елбасы биылғы Қазақстан халқына арнаған дәстүрлі Жол­дауында 2050 жылға дейін бұқаралық спортпен айналысатын қазақстандықтардың санын 30 пайызға жеткізуді тапсырған болатын. Осыған байланысты республика аумағында түрлі үгіт-насихат жұмыс­тары жүргізіліп, спорттық жарыстар, фестивальдер ұйым­дасты­рылуда. Біздің өңір де айтулы істерден қалыс қалып жатқан жоқ. Мектебімізде денсаулық күніне арналған спорттық  іс-шаралар өткізілді. Денсаулық күні салтанатты түрде ашылып, спорттық іс-шаралармен жалғасын тапты.