Сағынышпен алтын ұя мектебімізге оралып, биылғы салтанатты жиын елбасы жолдауына орай «Қазақстан - 2050: бір мақсат, бір мүдде, бір болашақ» тақырыбына арналды. Алғашқы қоңырау мерекесі тарихи оқиғаларға толы кезеңде өтіп жатыр. Атап айтсақ, Елбасымыздың «Қазақстан – 2050:  Бір мақсат, бір мүдде, бір болашақ» атты Қазақстан халқына жолдауы ;«Астана ЭКСПО-2017»  халықаралық көрмесі;Қарағанды қаласының 80 жылдық мерейтойы; Қазақстан Республикасының Конституциясына 20 жыл; Қазақстан халқы Ассамблеясының 20 жылдығы; Ұлы Отан соғысы жеңісінің 70 жылдығы;

     Салтанатты жиынға I ауысымнан 1-4 сыныптар және 8-11 сыныптардан 450 аса бала қатысты, II ауысымда 2- 5-7 сыныптардан 250 ден астам оқушы қатысты. Гимназия директоры Базыл Жанкелді Сағынтайұлы оқушыларды жаңа оқу жылымен құттықтап, мектеп жетістіктерін атап кетті. Мерекемізге келіп отырған құрметті ата-анамыз Салин Әбдуашит ағамыз сөз кезегін алды. Гимназиямыздың 10 сынып оқушысы  Елемесова Перизат  «Ұстазым»  әнін, 2 сынып оқушысы Қаламан Алима «Мектебім» әнін орындаса, үлгілі Шолпан би ансамблінің орындауында Қарағанды қаласының 80 жылдығына арналған биін, «Гауhар білезік» биін тарту етті.  Мектеп табалдырығын аттағалы отырған бүлдіршіндеріміз Білім күніне арналған өлеңдерін паш етті. Алғашқы қоңырау соғу құрметі 11 сынып оқушысы Адилов Ернар мен алғаш рет мектеп табалдырығын аттап отырған бүлдіршініміз Болатова Лиянаға берілді. Білім күніне арналған салтанатты жиынымыз аяқталып, шәкірттерімізді мектеп алтын ұясындағы алғашқы сабақтарға шақырылды.