Дәстүр бойынша  25 мамыр күні еліміздің түкпір-түкпірінде оқушылар үшін соңғы қоңырау сыңғырлайды. Бұл мектеп оқушылары үшін тағы бір оқу жылының аяқталу салтанаты болып табылады. Ал, бітіруші 11 сынып оқушылары үшін аяулы мектептерімен қоштасып, үлкен өмірге қадам басуға жол ашатын атаулы мереке. 25.05.14 күні сағ.10.00 де жылдағы үрдіс бойынша гимназиямызда «Сыңғырла соңғы қоңырау,самғатып арман құсымды» атты салтанатты мереке болып өтті. Бұл жиынға 1-11 сыныптардан 702 оқушы қатысты. Жиында Қарағанды қаласы білім бөлімі басшысының орынбасары Кенешова Раиса Амертаевна, Қарағанды мемлекеттік  техникалық университетінің кафедра меңгерушісі профессор Утенов Есен Сыданұлы және де бiр топ ұстаздар қауымы мен ата-аналар қатысып,жас түлектерді құттықтап, сөз сөйледі.Салтанатты жиын мемлекеттік әнұранмен басталды. Гимназия директоры Базыл Жанкелді Сағынтайұлы гимназия ұстаздары мен оқушылардың жетістіктері туралы айта келіп, жас түлектерге ақ жол тіледі. Бұл жыл сонымен бірге Тәуелсіз Қазақстанның тарихынан ойып алар өзіндік орны бар жыл. Биыл республика, облыс, аудан көлемінде қоғамдық маңызы бар бірқатар мерейтойлар аталып өтілуде. Атап айтар болсақ;Елбасымыздың «Қазақстан – 2050: Бір мақсат, бір мүдде, бір болашақ» атты Қазақстан халқына жолдауы, «Астана ЭКСПО-2017» халықаралық көрмесі, Қарағанды қаласының 80 жылдық мерейтойы, Балуан Шолақтың 150 жылдығы, Жүсіпбек Аймауытовтың 125 жылдығы, Шәкен Аймановтың 100 жылдығы туралы деректер айтылып кетті.Мағжан мектебінің мақтанышы 20 жылдық тарихы бар үлгілі «Шолпан» би ансамблі өздерінің «Ерке сұлу», «Сұлу сарын», «Салтанат» билерін ұсынды. Бітіруші түлектердің «Алтын белгіге»үміткер, «Халықаралық», «шығармашылық», «интеллектуалды», «спорттық» сайыстардың жеңімпаздарының есімдері аталды. Мектеп бітіруші түлектерді 1 сынып оқушылары құттықтап, бүгінгі түлектерге 1 сыныпта сабақ берген Зубайра  Камиевна, Мағрипа Балтабаевна және Баян  Ібішқызы «Бастауыш сыныпты еске түсіру» сабағын өткізді. Мектеп бітіруші түлектер мектепке, ұстаздарға деген ризашылықтарын өлең-жырмен жеткізді. Салтанатты жиын  жоғарғы деңгейде өтті.