2014 жылдың сәуір айының 5 жұлдызы  күні,  мектебіміздің 3-10 сыныптар арасында 452  оқушы, 25 мұғалім, 13 кіші қамту қызметкерлері «Тазалық - саулық негізі, Саулық - байлық негізі» атты қалалық сенбілікке қатысты. Мектеп ауласының таза болуына, оған көркем кейіп беруге, гүл өсірілетін орындарды қопсытып, ағаштардың түптерін және бордюларды  ақтап,су қоймасының шұңқырларына бетоннан 1- дана қақпақ құйып жасап жапты, жаппай  тазалық жұмыстарына мектеп мұғалімдерімен мен, оқушылар ат салысты. ІІ ауысымның оқушылары да бөлінген аумақтарын тазартып, сынып жетекшілері де сенбілікке қатысты. ІІ ауысым сағат 10.00-де шығып аулаларындағы қоқыстарды жинап, ағаштардың төменгі жағындағы бұтақтарды кесіп, түптерін қопсытып, сәніне келтірді. І ауысымның 8-10 сынып оқушылары сағат 10.00-ден 12.00-ге дейін бөлінген өз аулаларын сыпырып, қоқыстардан тазартып, талдардың түптерін  ақтап сынып жетекшілерімен бірлесе жұмыстар атқарды. Сенбілікке барлық сыныптардың оқушылары бірдей қатысты. Бұл сенбілікті атқарған жұмысты ойымызға түйгеніміз, ауыз бірлікке, еңбекқорлыққа, жүректерінде патриоттық сезімнің шоғын жандыруға, саналарында туған қаласын аялап, қоқыстарды жөн жосықсыз шашпау, ластамау тәрбиесін қалыптастыруға септігін тигізетін, қоғамда шартты түрде қалыптасқан дәстүр деп айтуға болады.