М. Жұмабаев атындағы №39 гимназияда Наурыз мерекесі тойланып өтті.

Мақсаты:  Ұлыстың ұлы күні туралы толық мағлұмат беру, халқымыздың салт-дәстүрін, әдет-ғұрпын үйрете отырып, Наурыз қазақтың ұлттық мейрамы екенін ашып көрсету. Оқушылардың тілін, мәнерлеп өлең оқу, ән салу, би билеу, сөйлеу мәдениетін, сөздік қорын дамыту. Оқушыларды елін сүюге, дәстүрлі мерекелерді құрметтей білуге тәрбиелеу.

10.03.14  күні «Жер ананың тілейтіні тыныштық, Наурызбенен келе берсін ырыс, құт!» саптық жиын болды. Саптық жиында Наурыз мерекесіне арналған мектеп алаңын әсемдеу, көрме ұйымдастыру,  «Наурыз – берекем, наурыз - мерекем !!!» тақырыбында мерекелік кеш, мақал-мәтелдер сайысы, өнеге сағаттары, ұлттық ойындардан мектепішілік жарыс, шығарма жазу сайысын өткізу керектігі айтылып кетті.

11.03.14 күні «Қош келдің, Әз Наурыз!» атты тақырыпта мектеп алаңын әсемделіп, 13.03.14 күні Рымбаева Н.И мен Мажимов Ж.К ұйымдастыруымен «Наурыз – жыл басы» атты көрме ұйымдастырылды.

14.03.14 күні дене шынықтыру пән мұғалімдері Мергенов Н.М, Тажкеев Н.М, Аметов Д"Мерекелі, берекелі Наурыз той!" тоғызқұмалақ, шахмат ойынынан мектепішілік жарыс өткізді, оған 5-10 сыныптар қатысты.

17.03.14 күні гимназиямызда 5-7 сыныптар аралығында «Қош келдің, Әз Наурыз!» атты  сыныптар арасында сайыс өтті. Сайыс 5 кезеңге бөлінді:

1. Таныстыру, 2. Өз өнерін көрсету, 3. Танымдық сұрақтар,  4. Ұлттық ойын, 5. Ұлттық тағамдар.  Сайыстың қорытындысы бойынша  I орын 7 «б», II орын 7 «ә», III орын 7 «а» сыныбы иеленді. Қатысқаны үшін қалған сыныптар номинацияға ие болды.

18.03.14 күні бастауыш сыныптар арасында ата-аналарының ұйымдастыруымен көрме ұйымдастырылды. Көрмеде  киіз үй тігілді. Қазақ халқының ұлттық киімдері, ұлттық аспаптары, көрпе, бесік, киіз, ұршық, жүн, текемет, аң терісі, тостаған, күбі, ұлттық тағамдары қойылды.

1 «б» сыныбы «Наурыз –жыл басы» тақырыбында ашық өнеге сағатын өткізді, мұнда қазақ салт-дәстүрлерімен таныстырды. Қазақтың ұлттық «арқан тартыс», «хан талапай», «асық ату» ойындарынан жарыс өткізді.

 4 «а» сыныбы  Наурыз мерекесіне арнап сайыс сабақ өткізді, оқушылар көшбасшы болған әз бабаларымыз тауып айтқан Төле би, қазып айтқан Қазыбек би, әділ айтқан Әйтеке би ауылы болып үш топқа бөлініп сайысқа түсті.

4 «ә» сыныбы сөз өнері арқылы оқушылардың дүниетанымын кеңейту мақсатында «Мың бір мақал, жүз бір жұмбақ» сайысын өткізді. Наурыз мерекесі оқушыларды адамгершілікке, достық қарым – қатынасқа, ынтымақтастыққа тәрбиелейді, сондықтан Наурыз мерекесі жыл сайын гимназиямызда жаңаша  қырларымен танытып, таң қалдырады  деген ойдамыз.