2014 жылдың 26-шы ақпанында «Болашақ» колледжінде «Жігіт сұлтаны» сайысы өткізілді. Аталмыш сайысқа колледж студенттерімен қатар мектеп оқушылары да қатысты. Атап айтқанда М.Жұмабаев атындағы № 39 гимназия мен № 16 орта мектебі.

Сайыс келесі шарттардан тұрды:
1. «Жеті атасын білген ер, жеті жұрттың қамын жер». (Өзін-өзі таныстыру)
2. «Ел іші, өнер кеніші» (өз өнерлерін көрсету)
3. «Білімді жүзден озар...» (қазақ халқының салт-дәстүрлері бойынша сұрақтар)
4. «Бәрекелді сайыпқыран» (таңқалдыру)
5. Спорт-денсаулық кепілі (кір тасын көтеру)
        Қатысушыларды бағалауда олардың өз – өзін ұстауы, әртістік өнері, білімі, киім үлгілері ескерілді.

   Сайысқа төрелік еткен әділ қазылар алқасының құрамы келесідей болды: Республикалық ақындар айтысының бірнеше дүркін жеңімпазы, колледжіміздегі «Серпін» ақындар мектебінің жетекшісі Дидар Қамиев, «Қазақ әдебиеті» пәнінің оқытушысы, ақын Мухаев Ильяс Дүнгенбайұлы, Кеншілер мәдениет сарайы халық шығармашылығы бөлімінің меңгерушісі, «Өнер бастауы» студиясының жетекшісі Орынбаева Эльмира Сайлауовна, Республикаға танымал айтыскер ақын Мақсат Аханов, «Жігіт сұлтаны - 2013» байқауының жүлдегері, НБ-12-5 тобының студенті Сағынаев Айдар.
   Сайыс қорытындысы бойынша өзгелерден озық деп танылған бас жүлдеге М.Жұмабаев атындағы №39 гимназияның 11 сынып оқушысы Бейсембин Ернат, І орынға «Ақпараттық жүйе» мамандығының студенті Әбдірасыл Ерасыл, ІІ орынға №16 мектеп оқушысы Каражанов Рустем, ІІІ орынға «Құқықтану» мамандығының студенті Нурымбетов Досбол иеленді.
   Жеңімпаздарды жеңістерімен құттықтай отырып, алдағы уақытта да биік шындардан көріне берулерін тілейміз!!!