М.Жұмабаев атындағы №39 гимназияның 10 «ә» сынып оқушылары, сынып жетекшісі Адамова Бикен Калимкуловнаның ұйымдастыруымен Қарағанды облысы жетім  балаларға арналған медициналық – әлеуметтік мемлекеттік мекемесінде тәрбиеленуші балаларға қайырымдылық көмек көрсетілді. Іс-шара барысында  сынып оқушылары өз өнерлерін көрсетті, түрлі ойындар ұйымдастырды. Балаларға тәттілер, жас ерекшеліктеріне сай ойыншықтар  таратылды. Ата-аналарының мейірімі мен жан шуағына мұқтаж, әрі кемтар балалардың жүзінен шаттық көріп, шынайы қуаныштарын сезу сынып оқушыларына үлкен әсер етті. Өмірде мұқтаж жандарға өздерінің жылулықтары қажет екенін түсініп, үлкен сабақ алып қайтты. Мектеп ұжымы өз ризашылықтарын айтып, гимназиямызға Алғыс хат жолдады.