Қысқы демалыс кезінде  өткізілетін іс-шаралардың негізгі мақсаты: қысқы демалыс кезінде жоспарланған іс – шаралар  ұйымдастыру, яғни таза ауада мектеп маңындағы  мұз айдынында хоккей, коньки, шанғы жарыстары, қысқы ойындар  және т.б  ұйымдастыра отырып, оқушылардың  таза ауада  денені шынықтыру, салауаттты өмір салтын қалыптастыру, төзімділікке, шыдамдылыққа баулу болып табылады. Іс- шаралардың алдында  жауапты адамдар мен сынып жетекшілері үшін  техникалық қауіпсіздік ережелерімен таныстырылды.

          30 - желтоқсан 2013 жылы 8 -10 сыныптар арасында дене шынықтыру пәнінің мұғалімі Тыныбаев Қ.А  мұз айдынында  хоккей ойынын өткізді, ойынға барлығы 73 оқушы қатысты, 31- ші желтоқсан 5-7 ші сыныптар арасында  сынып жетекшілерімен бірге  сырғанақ тебу жарысын  А.А. Мусенова  ұйымдастырды, сырғанақ тебу аталған сынып оқушыларына ерекше ұнап, 62 оқушы қатысты. Осы күні  8- ші сыныптар арасында өткен шаңғы жарысын  ұстаз Н.М. Тажкееев ұйымдастырып өткізді. Жарыс тартымды, қызықты өтті, жарысқа 8- ші сыныптар бойынша 38 оқушы қатысты, нәтижесінде 8 «Ә» сыныбы жеңіске жетті.

         3-ші қаңтар 2014 ші жылы  6 сыныптар арасында  футбол ойынын ұстаздар Н.Мергенов, Д.Аметов  ұйымдастырды,  ойынға 44 оқушы қатысты, жеңіске жеткен оқушылар  марапатталды. 4- ші қаңтар күні 3-5 ші сыныптар арасында «Қысқы қызықты спорт ойындарыннан»  жарысты ұстаздар Н.Ж. Жунусова мен Н.М. Тажкеев, Ж.Қ.Зекенов ұйымдастырып өткізді, жарыс оқушылар есінде қаларлықтай қызу әрі қызықты өтті, барлығы 102 оқушы тартылды. Ұстаздарымыз таза ауада  оқушылардың бойларын сергітіп, көңілді ойын ұйымдастыра білді. 6-шы қаңтар күнгі журналистика үйірмесінің ұйымдастыруымен алдағы уақытта шығарылатын «Мектеп тынысы» баспасында қысқы ойындар қорытындысы жарық көреді.