Тақырыбы:«Лаула,лаула Желтоқсанның мұзға жаққан алауы!»

Түрі: мектепішілік кеш

Өткізген: Тарих пәні мұғалімі Кошикова Сания Камысбаевна

Кеш мақсаты:

     Оқушыларға қазақ халқының ғасырлар бойы аңсаған Желтоқсан көтерілісі 1991 жылы тәуелсіздікке қол жеткізуімізге дүмпу болғандығы, осы көтерілістің құрбандары  Қайрат, Ләззат, Ербол, Сәбира атты азаматтардың ерлігі мен қайғыға толы тағдыры туралы мәлімет беру.

     Желтоқсан оқиғасының аз таныс жағын ашып көрсете білуге, оқушыларды ұлтжандылыққа, елжандылыққа тәрбиелеу. Өз отанының батырларын мақтан тұта білуге тәрбиелеу. Отанын сүюге, қорғай білуге және ұлттық рух пен қазақы мәдениетті жоғары деңгейде көрсететін азамат етіп тәрбиелеу.

Тәрбиелік мақсаты:

1. 1986 жылғы Алматы оқиғасының алты құрлықты аралап кеткен ұлы оқиға екенін;

2. Жеңіп алған демократиясымен салыстырғанда құрбандығы жүз есе қымбатқа түскендігін;

3. Ар-намыстың, ұлттық қасиеттің тәуелсіздік туының желбіреуіне жеткізген ұлы рух болғанын;

4. Қоғамды дағдарысқа алып келген тоталитаризм мен әкімшілік жүйе ғана емес, ең бастысы ұлттық проблемалардың шешелмеу екендігіне көз жеткізе отырып оқушы бойына патриоттық тәрбие мен саяси көзқарасты қалыптастыру.

5. Ұлтшылдық байлықтың тоналуы, ұлттық сөздерінің мән-мағынасын ашу

6. 80-жылдардағы Пленумдар мен конференциялардың мазмұн мағынасы, мәніне талдау жасау, қоғамдық саяси өмірдің іріп-шіріп бара-жатқан принциптерімен таныстыру.

Көрнекілік:Тәуелсіздік монументі, нақыл сөздер, желтоқсан құрбандарының суреттері, буклет, Қазақстан рәміздері, мульти-медиалық кешен, үнтаспа.

Осындай еркіндікті ел тілесін,

Бақыт құсы бағымызға еркін келсін,

Ал енді Тәуелсіздік құтты болып,

Көк байрақ мәңгі-бақи желбіресін!

Қайраттың ерлігіне лайықпыз,

Әумин, қабыл болсын, жыр-әніміз!