Гимназиямызда «Патриоттық тәрбие – жоғары патриоттық сананың қалыптасуы» тақырыбында сынып жетекшілеріне арналған семинар өткізілді. Қазақстандық патриотизмді қалыптастырудың негізгі шарттары туралы мұғалімдер өз – іс тәжірибесінен ой қозғады.

Өткізген: бастауыш сынып мұғалімі Ботаханова Меруерт Төлеутаевна

Мақсаты:  Қазақстанның тәуелсіздігі мен егемендігін, тыныштық пен бейбітшілікті сақтайтын, ұлтаралық мәдениетті дамытатын, еліміздің рәміздеріне құрметпен қарайтын, әлемдік деңгейде бейбітшілік пен өркениеттілікке өз үлесін қосатын адамгершілік мұраты биік патриот, намысына, қаһарман, қайсар, жігерлі азамат тәрбиелеу.

Күн тәртібі:

1. Патриоттық тәрбие – жоғары патриоттық сананың қалыптасуы. Ботаханова М.Т

2. Қазақстандық патриотизмді қалыптастырудың негізгі шарттары. Сыздықова Э.Қ, Қасимова М.Е, Қаржасбекова М.Қ

3.Практикалық бөлім. Топпен жұмыс

        Патриотизм дегеніміз – Отанға деген сүйіспеншілік, жеке адамның аман– саулығының қоғамдық – мемлекеттік қауіпсіздікке тікелей байланыстығын сезіну, ал мемлекетті нығайту дегеніміз – жеке адамды күшейту екенін мойындау, қысқасын айтқанда, патриотизм мемлекет деген ұғымды жеке адаммен, яғни оның өткенімен, бүгінгі күнімен және болашағымен қарым-қатынасты білдіреді.

        Біздің алдымызда тұрған басты міндет – тәуелсіз Қазақстанның әр жас жеткіншегінің жүрегінде Отанына, жеріне, еліне деген ыстық сезім, шынайы сүйіспеншілік ұялату. Сондықтан біз адамзаттық патриоттық тәрбиенің басты мақсаты көзқарасы қалыптасқан, әлеуметтік белсенділігі жоғары отаншыл ұрпақ тәрбиелеп өсіруге аса көңіл бөлуіміз керек.

          Семинар мақсатына жетті, жас сынып жетекшілері ризашылығын білдірді.