2013 жылдың 6 желтоқсан күні М.Жұмабаев атындағы №39 гимназия ғимаратында Қарағанды қаласының 80 жылдығы қарсаңында Мағжан Жұмабаевтың туғанына 120 жыл толуына орай Мағжан мұраларын оқу-тәрбие үдерісінде пайдалану, оның шығармаларының құндылығын, тәрбиелік мәнін насихаттау, білім берудің өзекті мәселелерін ақпараттық технологияны пайдалану арқылы шешу жолдарын талқылау мақсатында, «Қазіргі білім үдерісіндегі инновациялық әдістер» тақырыбында, онлайн режимінде  дәстүрлі «Мағжан тағылымы-3» республикалық ғылыми-тәжірибелік конференция өтті. Конференция түрлі секциялық отырыстарға бөлінді: Мағжан тағылымы секциясы, қоғамдық-гуманитарлық пәндер секциясы, жаратылыстану- математикалық пәндер секциясы (математика, физика, информатика) жаратылыстану- математикалық пәндер секциясы (биология, география, АӘД, дене тәрбиесі, химия пәндері), педагогика- психология, өнер секциясы, шет тілдері секциясы. Конференцияға келушілер этно-тарихи мұражайды, көрмені аралап тамашалады. Конференция жұмысына ҚР Еңбек сіңірген қайраткері Серік Ақсұңқарұлы,. «Қайнар университетінің»  профессоры, ф.ғ.д , Б. Қанарбаева, Алматы қаласы; ҚарМУ профессоры, ф.ғ.д. , Ж.Қ. Смағұлов, Қарағанды қаласы; М.Жұмабаев атындағы №21 орта мектебінің директоры Г.Т. Сламов, Тараз қаласы;  СҚО, Сарытомар ауылы, «М.Жұмабаев мұражайының» директоры А.Т. Жаныспаева;  Алматы қаласы;М.Жұмабаев атындағы №137 мектептің қазақ тілі мен әдебиеті пәнінің мұғалімі Мукумбекова Г.С  қатысып, алқалық мәжілісте мазмұнды баяндамалар жасады.

Сонымен қатар конференцияға республика, облыс, қала мектептерінің басшылары мен ұстаздары, Қарағанды қаласының ақын-жазушылары да қатысты.

     Конференция жұмысы «Мағжан есімі жүрегімізде» тақырыбындағы әдеби-сазды кешпен жалғасын тапты. Кеш жүргізушілері гимназия директорының тәрбие ісі жөніндегі орынбасары Оспанова Қ.Д мен ғылыми ісі жөніндегі орынбасары Кубеков Б.Т болды.

  Кештің  сахна төріне Бекжан Әлкеев гимназия ұстазы Мөлдір Альжанованың шығарған  арнауын үкілі домбырасымен орындап шықты.Кеш М.Жұмабаевтың өмірін сомдаған көрініспен басталды. Ғалым Арғын қоңыр дауысымен өмірінің кезеңдерін мәнерлеп оқып шықты .Мағжан Жұмабаетың шыр етіп дүниеге келген кезінен бастап, есейген шағына дейінгі кезең көрсетілді. Біздің мектептің ұстаздары Алматы мен Петропавл Мағжан атындағы мектептерге барып ,тәжірибе бөлісіп келген сапардың видеоүзіндісін көрсетті. «Мағжан есімі жүрегімізде»  атты әдеби сазды кеш үлгілі «Шолпан» би ансамблінің әсем билерімен, оқушылардың арнаулары мен  әртүрлі көріністермен жалғасты.

          Әдеби кешке Халықаралық деңгейде көрініп жүрген  «Алаш» әдеби сыйлығының иегері  Абзал Бөкен, «Шабыт» фестивалінің лауреаты Қайрат Асқаров, «Жыр жауhар»  поэзия клубының жетекшісі Жәлел Шалқар, «Бота» клубының жетекшісі Өміртай Еділханұлы, Республикалық «Қасым әдеби» сайтының шеф редакторы Ерболат Қуатбек, «Қасым» сайтының бас редакторы Дулат Аманжол, «Орталық Қазақстан» газетінің тілшісі Жәнібек Әлиман атты ақын қонақтарымыз сахнаға шығып жыр- маржандарын арнады. Ақын қонақтардың құрметіне 1 сынып оқушысы Бекен Айым жетігенде ойнап шықты. Мағжанның ұрпақтары атынан мектебіміздің жас ұстаздары , 10 сынып оқушылары мен 2 сынып оқушылары сахна төріне шықты.  

     XX ғасырдың алып тұлғасы М.Жұмабаевтың 120 жылдығына арналған «Мағжан есімі жүрегімізде» атты әдеби кештің соңы конференцияның марапаттау кезеңімен аяқталды. Бүгінгі күннің бар жазушысының ішінен келешекке бой ұрып, артқы күнге анық қалуға жарайтын сөз- Мағжанның сөзі деп баға берген Мұхтар ұлы бабамыз, Жүректерде жырың жүр, өзің жүрсің, тегі, осы сен өлмеген шығарсың –ау- деп Фариза апамыз жырлағандай, Мағжан рухы өлген жоқ, өлмейді де, өлтірмейміз.Мағжанды ұлықтап, ұрпаққа жеткізіп, Мағжандай рухты ұл-қыздарды тәрбиелеу басты міндет болып табылады.

           Келесі «Мағжан тағылымы-4» республикалық ғылыми-тәжірибелік конференциясы өз жалғасын табады деген ойдамыз.