2011-2015   жылдарға  арналған   "Саламатты  Қазақстан"  Мемлекеттік бағдарламасын жүзеге асыру жөніндегі іс-шаралар жоспары мен Қазақстан Республикасы Денсаулық сақтау министрі 12.02.2013 жылы   №73 бұйрығы аясында СӨСҚПҰО-ның  ұйымдастыру-әдістемелік  қолдауымен республика  аймақтарының  халқы  арасында  дұрыс тамақтану мен артық дене салмағының алдын алу бойынша онкүндік акциясы 16-і мен 23-і қазан айы аралығында М. Жұмабаев атындағы  №39 гимназиясында онкүндік өтті.                

     Мақсаты - тұрғындардың салауатты, тиімді тамақтану, салауатты өмір салтын ұстану жайлы ақпараттануларын арттыру.  Қазіргі кезде дұрыс, тиімді тамақтану адам өмір сүруінің және оның денсаулығының жағдайын анықтайтын және салауатты өмір сүрудің басты факторларының бірі.
     ДДҰ мәліметінше, аурушаңдықтың  себебінің 80% -ы тамақтану бұзылуынан 40% - тамақтану факторына байланысты.  Осыған орай, жоспар бойынша  «Салауатты тамақтану – саламатты ұлт» атты дөңгелек үстел өткізілді. «Берекелі дастархан»  атты  2 - 7 сыныптар арасында сауда  және  «Жақсы тамақтана біл!» атты қабырға газет көрмесі ұйымдастырылды.«Ас – адамның арқауы»,  «Денсаулық – зор байлық» атты тәрбие сағаттары өткізілді. «Денім сау болса деймін!»  деген ашық есік ұйымдастырылып, гимназиямыздың медбикелері оқушылардың қысымдарын, бойларын, салмақтарын өлшеп, кеңестер берді. «Жақсы тамақтана біл!» атты қабырға газет көрмесі қойылып, «Денсаулық - өмір өзегі»  атты тренингтер де өткізілді. Дұрыс тамақтану көңіл-күйдің жақсаруына, белсенді болуға ықпал етеді, сонымен қатар, жүрек-қантамыр, онкологиялық, асқазан-ішек жолдары, эндокринді және т.б аурулар даму қаупін төмендетеді. Мәдени дәстүрлерді ескеріп, тағамды дұрыс дайындау,  рационға,  ауыз су тазалығына баса көңіл бөлу, алкогольден  бас тарту тұрғындардың өмірін жақсы жағына қарай өзгертеді.