2023 жылдың 28 тамызында білім беру ұйымдарындағы 2023-2024 оқу жылында жүзеге асырылатын тәрбие жұмысын ұйымдастыру ерекшеліктері бойынша сынып жетекшілердің кәсіби шеберліктерін жетілдіру мақсатында «Біртұтас тәрбие бағдарламасы: құндылықтар және оны іске асыру жоспары» тақырыбында семинар өтті. .    Семинарға қатысушылар ұлттық құндылықтарды негізге ала отырып, ел бірегейлігін нығайтуға, әділетті қоғам құруға қабілетті білімді, адал ұрпақты тәрбиелеуді көздейтін «Біртұтас тәрбие бағдарламасымен»  танысты.  Тәрбие құндылықтарын әлеуметтік тәжірибелер арқылы жүзеге асыруды жоспарлау, білім алушылардың бойында тұлғалық және ұлттық құндылықтарды сіңіруде жүзеге асырылатын жобалар бағыттары бойынша тәжірибелік жұмыстар жүргізілді.  Семинар аясында әріптестер өзара пікір алмасып, жан-жақты үйлесімді дамыған тұлға тәрбиелеудің тиімді жолдары бойынша пікір алмасты. #Біртұтас_тәрбие