ХАБАРЛАНДЫРУ

Құрметті ата-аналар!!!

Жаңа 2023-2024 оқу жылына дайындық аясында "М.Жұмабаев атындағы гимназиясы"КММ  "Жалпыға бірдей білім беру" қорынан материалдық көмек көрсету жұмыстары басталғанын хабарлайды. «Жалпыға бірдей білім беру» қорынан келесі санаттағы отбасы балаларына  көмек көрсетіледі: 

1) Атаулы әлеуметтік көмек алатын отбасы  балаларына;

2) Жан басына шаққандағы табысы ең төменгі күнкөріс деңгейінен төмен отбасылардағы балаларға;

3) Жетім балалар мен ата-анасының қамқорлығынсыз қалған  балаларға; 

4) Төтенше жағдайға тап болған отбасы балаларына 

Биылғы жаңа оқу жылындағы  ақшалай көмектің мөлшері - 40 567 теңгені құрайды. 

Ақшалай қаражат ата-аналарға балалармен бірге мектеп формасын, аяқ-киім, кеңсе тауарларын және басқа да қажетті заттарды өз бетінше таңдауға мүмкіндік беру мақсатында ата-аналардың карточкалық шотына аударылады. Бұл отбасыларға қажетті оқу құралдарын сатып алуға және балаларды оқу жылының сәтті өтуі үшін қажетті заттардың бәрімен қамтамасыз етуге мүмкіндік береді.

Бұл қаражаттың мақсатты пайдаланылуын қамтамасыз ету үшін ата-аналар 15 күн ішінде балаға сатып алынған мектепке қажетті тауарлардың есебін беруі үшін шығындарды растайтын чектар немесе түбіртектерді тапсырулары қажет.

Мұндай бақылау жүйесі  бөлінген қаражаттың ашықтығы мен мақсатты пайдаланылуына кепілдік береді.

Материалдық көмек көрсету - балаларға жаңа оқу жылын сенімділікпен бастауға мүмкіндік береді.

Құрметті ата-аналар, ең алдымен  АӘК (адресті әлеуметтік көмек)алу үшін Бұқар жырау даңғылы, 51/4 мекен-жайында орналасқан "Жұмыспен қамту орталығына" немесе Egov.kz сайты арқылы электронды өтініш бересіздер.  Өтінішті қарастыру мерзімі- 15 күн. "Жұмыспен қамту орталығынан" ресми түрде жауап алғаннан кейін ғана гимназияға келіп, "Жалпыға бірдей білім беру" қорынан материалдық көмекке өтініш бере аласыздар.

Сұрақтар бойынша келесі телефон номеріне хабарласа аласыздар: 8(7212)326842