Ұлылықтың басында ұстаз тұрар демекші, шәкірттерін білім нәрімен сусындатып, тәлім-тәрбие беру, жақсы қасиеттерді бойына дарытып, адамгершілік рухта бағыт-бағдар беруде ұстаздың еңбегі зор. "Мұғалім дегеннің өзі бір зейнетінен бейнеті көп,соры қалың мамандық ,сондықтан да ол әрдайым қасиетті тұлға ретінде ерекшеленеді. Білім көшін жылжытып келе жатқан ұстаздар қауымына арнап ,таңертеңгілік құттықтауды 11 «а» сынып оқушылары ұйымдастырды. Гимназиямызда 11 «а» сынып және сынып жетекшісі Ошыбаева Зайра Жанұзақовнаның ұйымдастыруымен «Ұстаз –ана, ақыл – білім панасы» атты мерекелік кеш өтті. Кешімізді мектебіміздің директоры Базыл Жанкелді Сағынтайұлының құттықтау сөзімен басталды. Бұл мерекелік кешке қарт ұстаздар да арнайы шақырылды және ұстаздарға «мың тағзым» дей отырып, оқушылар атынан сыйлық ұсынылды. Жан-жақты өнерлі балаларымыз әртүрлі өнерлерін көрсетті; 1-сынып оқушысы жетіген аспабымен көңіл толқытар күй орындап, ән айтты.Оқушылар өздерінің дайындаған арнайы бағдарламаларын ұсынды,көңілділер және тапқырлар клубының мазмұнды әзілдері, өнерпаз оқушылардың ән-күйі мен тамсандырар билері мерекелік кешке рең кіргізді.
Сонымен қатар, іс-шарада Жоғары деңгейдегі бірінші санатты ұстаздар мен Жас мамандарға арналып «Бинго» ойыны өткізілді. Нәтижесінде, жеңімпаздар анықталып, оларға сыйлықтар тарту етілді. Мерекелік кештің соңынан қарт ұстаздарға арналып мерекелік дастархан жайылды. Қарт ұстаздарымызбен бірге мектеп ұжымы естелікке фотоға түсті. 05.10.13 күні гимназиямызда Шәкірттер парламентімен және «Жас ұлан» және «Жас қыран» бірыңғай балалар мен жасөспірімдер ұйымының ұйымдастыруымен «Өзін-өзі басқару» күні болып өтті.Оқушылардан гимназия директоры, меңгерушілер, тәлімгер және де пән мұғалімдері сайланды.Бұл күн жақсы деңгейде өтті,оқушылар өз міндеттерін жақсы атқарды.Әр соңынан кіші педагогикалық кеңес өтті, бұл кеңеске оқушылармен бірге оқу ісінің меңгерушілері мен тәрбие ісінің меңгерушілері және тәлімгер қатысты. Оқушылар өз ойларын ортаға салды, ұстаз болу оңай еместігін айтып, олардың қадірін одан әрі түсініп, оларды тыңдайтынын айтты.Соңында барлығы жиналып естелікке суретке түсті. Шынында да өз ісіне берілген, жаңалықты жатсынбай қабылдайтын, шәкіртінің жанынан табылатын, өзгелерді бақытқа жеткіземіз деп жүретін ұстаздардың жөні де жолы да бөлек екендігін барлығымыз мойындаймыз.
