«Ақниет» қалалық акциясы гимназиямызда жыл сайын өз жұмысының жемісін көрсетіп келеді.Бұл күні аз қамтылған жалғыз басты қарттар, жасы үлкен адамдар мен мүгедектерге көңіл аударылып, материалдық, әлеуметтік-тұрмыстық және басқа да көмектер көрсетіледі.

            Халықаралық қарттар күні - қарт кісілердің шешуші мәселелерін еске   алып,оларға көмек көрсетудің бір себебі.

       Осы қарт кісілерден біздің және өсіп келе жатқан жас жеткіншектердің алар тәрбиесі мен өсиеттері көп екендігі бәрімізге мәлім. Олардан  ұлтымыздың салт дәстүрлерін, мәдениетін және туған тілдің, адамгершілік қарым-қатынастың қасиеттерін үйренеміз.
     Әрине ,біз  жоғары буынды қарт адамдардың біз үшін жасаған еңбектерін ешқашан ұмытпаймыз. Сол себепті де қарттар – біздің асыл қазынамыз болғандықтан,қарттар күніне орай , «Ақниет» қайырымдылық қорының жалғыз және аз қамтылған, мүгедектер және қарт кісілердің  үйлеріне барып көмек көрсетіліп отырады. Ұстаздарымыз сынып оқушыларымен бірге 5-6 сыныптар  мен  6-7-8 сыныптар қарт ұстаздар мен соғыс ардагерлері және қарт кісілердің  үйіне барып мерекелерімен құттықтап, гүл шоқтары мен азын - аулақ сыйлықтарын алып, арнайы қарттар күнімен құттықтап, сыйлық тарту етті. Қарттарымыз оқушыларға бастан кешкен қиыншылықтарын, соғыс кезіндегі ерен еңбектері жайлы әңгіме етсе, ал қарт ұстаздарымыз ұстаз жолы - ерекше жол екендігін әңгіме етті. Оқушылар қарттарға арнап өлең оқып, ән арнады. Қарттар оқушыларға өз ризашылықтарын білдірді. Оқушылар  шын тілектерін білдіріп,  еңбектің  зейнетін көріп отырған шақта әр ұрпаққа игілік пен ізгіліктің, пайым-парасаттың үлгісін танытқаны  үшін алғыстарын білдірді. Гимназиямыздың басқа да сынып оқушылары «Қарттар қамқорлықсыз қалмайды»  атты ұранмен қарттар ауласына тазалық жүргізді. «Қарттарым асыл қазынам» атты бастауыш сыныптар арасында суреттер сайысы, 8 сыныптарда  «Қартын сыйлаған елдің  қазынасы мол» атты өнеге сағаты өтті. Қаланың шағын аудандарында жалғыз тұратын ардагерлерге көмек көрсету бойынша мектеп ұйымдары мен «Жас Ұлан» және «Жас Қыран» бірыңғай балалар мен жасөспірімдер ұйымымен көмек көрсету ұйымдастырылды.  Гимназиямызға 11 сыныптың ұйымдастыруымен «Ұстаз-ана, ақыл-білім панасы» атты кешке педагогикалық еңбек ардагерлері шақырылды.

     Бәрі жылдам өсіп қарқындауда, жылдан жылға барлығы өзгеруде, шешілетін мәселелер көбеюде. Бірақ та біз  қарттарымызды ешқашан ұмытпауымыз қажет. Оларға мәнді көмек көрсетіп, проблемаларын шешіп, барлық жағдайларын жасау қазіргі кездегі біздің ұмытылмас міндетіміз. Бұл тек қарт адамдар алдында көрсетер көмегіміздің бір бөлігі ғана.