Гимназиямызда «Абайлаңыз, бағдаршам!» жол қауіпсіздігін сақтау атты  онкүндік іс-шарасы өтті. Бұл ашық сынып сағаты 1-11 сыныптар аралығында өтті. Ашық сынып сағатының мақсаты-оқушыларды жолда жүру ережесімен таныстыру, ережелерді есте сақтауға үйрету, жаяу жүргіншілерменавтокөлік жүргізушілерінің жол ережесі туралы білімін кеңейту, жол белгіліерін ажырата білу, жол апаттарын болдырмау. «Абайлаңыз бағдаршам» онкүндігі мынадай әдіс-тәсілдермен жүзеге асты: 1.Түсіндіру; 2.Баяндама; 3. Сайыс; 4. Сауалнама; 5. Ойын.

         04.09.13 күні мектебіміздің 2 «б» сыныбында (жетекшісі Г.Х Оспанованың) ашық сынып сағатына жол полициясының қызметкерлерінің  Жанпейсова Жанар Омиртаевна және Смайлова Динара Бекмұратовнаның арнайы шақырылуымен оқушыларға жол ережелері және сақтану  туралы түсіндірме жұмыстарын жүргізді. Сабақ өте тартымды өтті, балалар тәрбие сағатына белсене, қызығушылықпен қатысты.Әсіресе сынып оқушылары Адамбаев Абулхайр және Жұмағалиев Аңсардың сабақ айтқандары ерекше болды. Оқушылар жолда жүру ережелеріне байланысты суреттер сайысына қатысты, сайыс 1-4 және 5-6 сыныптар арасында өтті.

         1-11 сыныптарда «Абайлаңыз, бағдаршам», «Қызыл, жасыл, сары», «Балалардың жолда жүру қауіпсіздігі» тақырыптарында өнеге сағаттары, 5-9 сыныптарда «Жол тәртібін жадыңда ұста!» жол –көлік оқиғаларынан көрсетілімдер жас ерекшеліктеріне байланысты мультфильм, бейнефильмдер көрсетілді.

           2-8 сыныптарда «Жаяу адамдардың міндеттері туралы не білесіңдер?» психологтар, дене тәрбиесі пән мұғалімдері, сынып жетекшілерінің қатысуымен  сауалнама, ойын өтті.

     1-11 сыныптар аралығында Жол полициясы қызметкерлерінің  қатысуымен, ТІО, Оспанова Қ.Д, Шайхин А.Т және де сынып жетекшілерінің қатысуымен «Балаларды жол-көлік оқиғаларынан сақтандыру қауіпсіздік шаралары» атты ата-аналар жиналысы өткізілді. Тәрбие сағатынан оқушылар жолда жүру ережесін меңгеріп, келе жатқан машинаның алдынан кесе жүгірмеу керек екендігі,жолда үнемі жүргіншілерге арналған жол арқылы жүру екендігін түсінді, басқа да көптеген ережелермен танысты. Жол тәртібін сақтау  ережелерін түсіндіру шаралары гимназияда жыл бойына атқарылады.