Ашық сынып сағаты

            Соңғы жылдары қаламызда  көліктің барлық түрлері өте көбейген. Бұл машина жүргізушілері мен жаяу жүргіншілердің, әсіресе мектеп оқушыларының жол ережесін неғұрлым жақсы  біліп, қатаң сақтауын талап етеді. Жол – ең алдымен балалар үшін, әсіресе кіші жастағы мектеп оқушылары үшін аса қауіпті аймақ. Сондықтан да 04.09 күні мектебіміздің 2 “Б” сыныбында (жетекшісі Г.Х. Оспанова) оқушыларды жолда жүру ережесімен таныстыру, ережелерді есте сақтауға үйрету, жаяу жүргіншілер мен автокөлік жүргізушілерінің жол ережесі туралы білімін кеңейту, жол белгілерін ажырата білу, жол апаттарын болдырмау мақсатында “Абайлаңыз, бағдаршам!” атты сынып сағаты өтті. Сынып сағатына жол Полициясының қызметкерлері Жанпейсова Жанар Омиртаевна және  Смайлова Динара Бекмұратовна арнайы шақырылып, оқушыларға жол апатынан сақтану туралы түсіндірме жұмыстарын жүргізді.Сабақ өте тартымды өтті. Балалар тәрбие сағатына белсене қатысты. Әсіресе сынып оқушылары Адамбаев Абулхайр мен Жұмағалиев Аңсар  ерекше қызығушылық танытып, сабақ барысында бірнеше рет тақтаға шығып, өз ойларын айтты. Оқушылар сабақта жолдың машина жүретін бөлігінде ойнауға болмайтыны туралы, жолда арнайы жаяу жүргіншілерге арналған жолдан өту, келе жатқан машинаның алдынан кесе жүгірмеу керек екендігі, жолдан бағдаршамның тек жасыл түсі жанғанда ғана жүру керек екендігі жөнінде және тағы да басқа көптеген ережелермен танысты. Тәрбие сағатынан оқушылар жолда жүру ережесін меңгеріп, жолдан өту қауіпсіздігін сақтауды үйренді. Жолда үнемі жүргіншілерге арналған жол арқылы жүру керек екендігін түсінді. Енді өз өмірлерінің қауіпсіздігін сақтай алады деген ойдамыз.